Gott að eiga gáfað eldra systkini

Að eiga stóran bróður eða stóra systur sem gengur vel í skóla getur skipt sköpum fyrir börn. Þetta eru í stuttu máli niðurstöður rannsóknar sem unnin var af teymum frá háskólanum í Essex og háskólanum í York á Bretlandseyjum.

Í niðurstöðunum kemur fram að gott sé að eiga fyrirmynd í eldri systkinum. Gangi þeim vel í skóla geta þau haft mjög jákvæð áhrif á yngri systkin sín. Eldri systkinin geta haft sérstaklega jákvæð áhrif á námsframvindu þeirra yngri með því að hjálpa þeim með heimanámið.

Birgitta Rabe er ein af meðlimum rannsóknarteymisins og í samtali hennar við breska miðilinn Independent kemur fram að góðar fyrirmyndir í eldri systkinum séu sérstaklega mikilvægar á heimilum innflytjenda sem tala ekki móðurmálið í þeim löndum sem þeir búa í

„Þetta þýðir að börn frá tekjulágum heimilum græða meira á systkinum sem gengur vel, miðað við börn frá tekjuhærri heimium.“

Hægt er að lesa niðurstöður rannsóknarinnar hér.