Leikkona gefur út bók

Leikkonan Þóra Karítas Árnadóttir, sem orðin er landskunn af fjölum leikhúsanna, mun á vordögum senda frá sér sína fyrstu bók.

Bókin hefur fengið nafnið Mörk en enn sem komið er hvílir mikil leynd yfir efni hennar sem standa mun Þóru Karítas nærri. Bókin er gefin út af Forlaginu.

Hugmyndina að bókinni má rekja til smásögu sem Þóra Karítas skrifaði en var hvött til þess að breyta í bók.

Sögusvið bókarinnar er Vesturbærinn í Reykjavík og spannar sögutíminn allt frá aldamótunum 1900 til nútímans og mun spíritismi meðal annars koma við sögu þegar svipmynd af gömlu Reykjavík er brugðið upp.