Miðstöð slysavarna barna styrkir starfsemi sína

Um áramótin skrifaði Miðstöð slysavarna barna undir samstarfssamning við IKEA og Sjóvá. Samningurinn gerir Miðstöð slysavarna barna kleift sinna fræðslu til foreldra með það að markmiði að fækka og koma í veg fyrir slys á börnum. 

Jafnframt verður haldið áfram að byggja upp aðstöðu Miðstöðvar slysavarna barna, sem nefnd hefur verið „Öruggasta heimilið“, en um er að ræða kennslurými sem er sérstaklega innréttað sem öruggt heimili. Þar er eldhús, stofa, bað og svefnherbergi og því hægt fræða um slys á börnum við raunverulegar aðstæður sem og að fræða um hvað hægt er að gera til þess að fyrirbyggja slys á börnum á verklegan hátt.

Gott samstarf við heilsugæsluna

Miðstoð slysavarna barna hefur átt gott samstarf við  ljósmæður í mæðravernd og hjúkrunarfræðinga í ungbarnavernd sem starfa innan heilsugæslunnar. Nýjum og verðandi foreldrum er meðal annars boðið að koma til Miðstöðvar slysavarna barna og fá 90 mínútna fræðslu þeim að kostnaðarlausu.

Mikill árangur í slysavörnum barna

Allt frá því núverandi verkefnastjóri Miðstöðvar slysavarna barna, Herdís Storgaard,  hóf að vinna við slysavarnir hefur náðst mikill árangur í slysavörnum barna hér á landi. Í fyrstu beitti verkefnið sér  fyrst fremst fyrir því að fækka slysum vegna drukknunar og þar hefur mikill árangur náðst. Samhliða því var lögð áhersla  á að hafa áhrif á gerð lagaumhverfs sem hefur á einn eða annan hátt haft áhrif á öryggi barna. 

Miðstöðin býr yfir mikill sérþekkingu á öryggi barna og hefur verkefnastjóri þess hlotið bæði innlendar og erlendar viðurkenningar fyrir störf sín. Verkefnastjórinn mun sinna þessari þjónustu í sjálfboðaliðastarfi fyrst um sinn til að halda þjónustunni gangandi en um síðustu áramót var ákveðið af hálfu hins opinbera að hætta að setja fé í sérstakt verkefni um slysavarnir barna.