Leitað að manni við Reykjavíkurhöfn

Björgunarsveitir leita nú að manni við Reykjavíkurhöfn við Granda.

Talið er að maðurinn hafi farið í sjóinn við norðurenda hafnarinnar í kvöld en til hans sást um klukkan 21 í kvöld. Þá var hann á leið út á varnargarðinn en hann kom ekki til baka. Þetta kemur fram í fréttatilkynningu frá Landsbjörg.

Óskað var eftir aðstoð björgunarsveita um klukkan 21:45.

Björgunarsveitir leita með björgunarskipi, fjórum björgunarbátum, 30 leitarmönnum á landi og einnig eru nokkrir kafarar að störfum. Léttabátur frá Landhelgisgæslunni tekur þátt í leitinni.

Frétt uppfærð klukkan 22:56.