Heimar í heimi í Vesturbugtina

Útilistaverkið Heimar í heimi eftir Sigurð Guðmundsson verður sett upp á hafnarkantinum við Rastargötu í Vesturbugt og fær þar stöðuleyfi í tvö ár.

Listaverkið er gjöf CCP til Reykjavíkurborgar í tilefni tíu ára afmælis tölvufyrirtækisins. Verkið er unnið í Kína í granít, stál, steypu og ál og verður fimm metra hátt.

Eins og áður hefur komið fram verða nöfn um fimm hundruð þúsund áskrifenda að Eve-Online tölvuleik CCP letruð á verkið sem standa mun við höfuðstöðvar CCP á Grandagarði.

„Um er að ræða bráðabirgðaráðstöfun svo verkið eigi sér samastað á meðan framleiðsla þess og flutningur eru í gangi vegna vígslu þess 1. maí,“ segir í umsögn skipulagsfulltrúa sem samþykkt var í skipulagsráði borgarinnar.