Bæjarstjórinn hjálpar Aldrei

Það er saman kominn múgur og margmenni í KNH höllinni á Ísafirði en þar fer fram rokkhátíðin Aldrei fór ég suður í tíunda sinn. 

Páll Óskar Hjálmtýsson tróð óvænt upp á hátíðinni vegna forfalla hljómsveitarinnar Kött Grá Pjé og tryllti lýðinn líkt og hans er von og vísa. 

Að vanda er heimilislegur bragur yfir hátíðinni en öll vinna í kringum hana er unnin í sjálfboðaliðum. Bæjarstjóri Ísafjarðar, Daníel Jakobssson, lætur sitt ekki eftir liggja og selur stuttermaboli og annan varning til stuðnings hátíðinni. Honum til halds og trausts er Gísli Halldórsson, formaður bæjarráðs Ísafjarðar. 

Búgíband Skúla mennska og Þórunn Arna Kristjánsdóttir opnuðu hátíðina í ár með pompi og prakt. Skúli bauðst jafnan til að opna hana aftur að tíu árum liðnu, á tuttugu ára afmæli hátíðarinnar

Aldrei fór ég suður er fjölskylduhátíð með heilan skara af börnum. Erlendir ferðamenn hafa jafnan orð á því hve undarlegt það er að lítil börn séu stödd á rokkhátíð. 

Þessum snáða leið greinilega vel í fangi pabba síns og svaf á meðan tónleikum Contalgen Funeral stóð. 

Contalgen Funeral frá Skagafirði léku á alls oddi á Aldrei fór ég suður. Sigurlaug Vordís Eysteinsdóttir, sem leikur á slagverk og syngur, sást meðal annars slá saman leggjum af ónefndu dýri til að framleiða taktinn. 

Hemúllinn frá Hólmavík tróð í fyrsta skipti upp á Aldrei fór ég suður. Hann söng við elektrónískt popp með þungarokksívafi. Segja má að Hemúllinn hafi verið "pólitíski trúbadorinn" en lög hans snerust jafnan um skuldaleiðréttingu Sigmundar Davíðs Gunnlaugssonar og valdsmannlega tilburði manna í einkennisbúningum. 

Hemúllinn kom sá og sigraði á Aldrei í ár. 

Það er algjörlega troðfullt í KNH höllinni, enda kalt úti og hlýtt inni.