Seinfeld ekki með einhverfu

Grínistinn Jerry Seinfeld hefur nú tekið til baka ummæli sín um að hann sé á einhverfurófinu. „Ég er ekki einhverfur, ég er ekki á einhverfurófinu,“ sagði Seinfeld í viðtali við Access Hollywood í vikunni.

Það var í byrjun mánaðarins sem Seinfeld sagði í viðtali við NBC News að hann héldi að hann væri á rófinu. „Mjög eðlileg félagsleg samskipti geta virkilega verið erfið,“ sagði hann.

Seinfeld sér greinilega eftir þessum ummælum sínum en hann sagði í viðtalinu við Access Hollywood að hann væri nýbúinn að sjá leikrit um einhverfu. „Ég tengdi við það á einhvern hátt. Það var það sem ég var að segja.“