Sam svarar ekki í símann

Breski söngvarinn Sam Smith missti næstum því af boði um að taka þátt í þrjátíu ára afmælis útgáfu jólalagsins Do They Know its Christmas?

En lagið var fyrst gefið út árið 1984 til styrktar fórnarlamba hungursneyðar í Eþíópíu.

Smith svarar ekki hringingum úr númerum sem hann þekkir ekki og hafði því ekki hugmynd um að Bob Geldolf væri hinum megin á línunni.

Símtalinu svaraði einn af hljómsveitarfélögum Smith sem var undrandi þegar hann komst að því hver var að reyna að ná í hann.

Geldolf og Smith náðu saman á endanum og sá síðarnefndi sagði það mikinn heiður að fá að taka þátt í verkefninu.