Stelpur liggja undir drusludómnum Sigga Dögg skrifar 25. júlí 2014 09:30 Sigga Dögg MYND/Aldís Pálsdóttir Spurning vikunnar verður að fá að koma í formi pistils því hugur minn liggur hjá druslum þessa lands. Stelpum leyfist ekki enn að njóta frjálsra ásta því þær liggja undir drusludómnum. Til hans telst einnig fas, húðflúr á ákveðnum stöðum, drykkja og klæðaburður. Það er í raun bara tímaspursmál hvenær þær „lenda“ í að „láta“ nauðga sér. Druslugangan fer fram um helgina, fjórða árið í röð, og því tileinka ég þennan pistil öllum þeim sem hafa verið kallaðar druslur, kallað aðrar konur og stúlkur druslur, réttlætt nauðgun, upplifað nauðgun og nauðgað sjálfir eða ekki vitað hvað það þýðir að nauðga. Orðið drusla, að vera drusla, er stimpill sem konur og karlar nota yfir stúlkur (og stundum stráka) sem þykja heldur „lausgyrtar“ eða of „auðveldar“. Með öðrum orðum, þær stunda of mikið kynlíf eða kynlíf sem hentar ekki öðrum sem ákveða að kalla þær druslur. Auðvitað má svo ýmislegt yfir druslur ganga og þær beinlínis auglýsa þennan drusluhátt með ósmekklegum klæðnaði sem er beint til þess fallinn að fá blóðið til að streyma rakleitt til kynfæranna. Gvuðhjálpiokkuröllum og forði óflekkuðum sálum frá þessum druslum. Þær brjóta, bramla og skemma hjörtu hreinna manna og hvað skal til bragðs taka? Brjóta á þeim, þagga niður í þeim, benda þeim á að klæða sig öðruvísi og hætta að ríða svona úti um allt. Best að þagga niður í þeim með einni almennilegri nauðgun. Eða var það ekki annars markmiðið þitt með þessari nauðgun? Voru ekki skilaboð til mín og samfélagsins í heildinni með þessu öllu saman? Ó, varstu bara graður? Eða var það ekki einu sinni það. Þú bara vildir og ætlaðir að koma þínu fram. Þið voruð komin upp í rúm og að kela, það er hið ósagða samþykki, er það ekki? Ástæðurnar fara í einn hrærigraut og skipta engu máli því rétturinn er þinn. Hún á þetta skilið, þú mátt þetta. Eða kannski varstu bara fullur. Það auðvitað afsakar allt. Greyið, fer svo illa í hann að blanda sterku ofan í létt. Og hann var orðinn svo graður og þú svo mikil daðurdrós. Þó að það hafi verið erfitt að ná honum upp með allt þetta áfengi í blóðinu og þú þurftir beinlínis að halda við hann er honum var troðið inn. Er þetta óþægileg lesning? Stingur hún smá? Það er ágætt því málefnið er þannig. Það stingur að vera kölluð drusla. Það stingur líka að vera nauðgað. Nauðgun er aldrei réttlætanleg. Ekki undir neinum kringumstæðum. Það eru ekki til afsakanir, hvað þá ástæður. Þú þarft að fá og gefa samþykki en það má líka alltaf draga samþykki til baka. Ekki ríða með lokuð augu og eyru, ef þú getur ekki talað við bólfélagann þinn og spurt einfaldra spurninga þá leyfi ég mér að segja að þú sért ekki hæf/-ur til að stunda kynlíf með annarri manneskju. „Finnst þér þetta gott?“, „er allt í lagi?“ „mmm, þetta er ótrúlega gott“, „já haltu áfram“, „mmmmm“, „ahhhhh“. Þetta er ekki flókið. Sjáumst á laugardaginn. Mest lesið Var ekki beðinn um að skrifa meira á RÚV eftir pistilinn 2022 Lífið Björgólfur og Kristín í fimmtugsafmæli Beckham Lífið Mæðgin á stóra sviðinu í Feneyjum með íslenskan arkitektúr Menning Áhorfendur djúpt snortnir á forsýningu Stóru stundarinnar Lífið Glamúr og glæsileiki í fimmtugsafmæli Kristínar Ólafs Lífið The Wire og Sopranos-leikari látinn Lífið Verðmiðinn hækkar á höll Antons Lífið Stærsti sinueldur Íslandssögunnar í myndum Lífið Áttu sturlaða stund á Times Square Lífið Tónleikar Lady Gaga æðislegir og öryggisgæslan svakaleg Lífið Fleiri fréttir Áttu sturlaða stund á Times Square The Wire og Sopranos-leikari látinn Var ekki beðinn um að skrifa meira á RÚV eftir pistilinn 2022 Björgólfur og Kristín í fimmtugsafmæli Beckham Katrín Tanja og Brooks eiga von á barni Frábær þjóðbúningamessa í Fljótshlíð Tónleikar Lady Gaga æðislegir og öryggisgæslan svakaleg Pedro Pascal fékk sér að borða á Kaffi Vest Hátt í þrjú þúsund manns sóttu „þjóðfund“ EVE-spilara Áhorfendur djúpt snortnir á forsýningu Stóru stundarinnar Stærsti sinueldur Íslandssögunnar í myndum „Ég fór úr sjötíu prósent þjáningu niður í tíu prósent“ „Svo byrjaði ég að kyssa stráka og varð allt í einu algjör uppreisnarseggur“ Krakkatían: Nintendo, tunglið og prinsessur Milljón manns í Rio til að sjá ókeypis Lady Gaga tónleika Býður í hláturstund við gömlu þvottalaugarnar Sýningin gott fyrir- og eftirpartý Ingvar E. valinn besti leikarinn í Belgíu Forstjórabaninn fær söngleik á fjalirnar „Ye mátti þola versnandi andlega heilsu vegna gjörða þinna“ Fréttatía vikunnar: Rafmagnsleysi, njósnir og SFS Ætlaði aldrei að enda í herskóla í Bandaríkjunum Með höfuðið rétt skrúfað á og gleyma aldrei hjálminum „Ég er búin að fæða þrjú börn en þetta er versta sem ég hef upplifað“ Þakka aðdáendum fyrir að hafa fjármagnað nýja húsið Íslenski Eurovision-hópurinn lagður af stað Mætti í eigið afmæli í lokaðri líkkistu Verðmiðinn hækkar á höll Antons Skúli og Gríma fengu sér hund Menningarlegt heimili með stórbrotnu útsýni Sjá meira
Spurning vikunnar verður að fá að koma í formi pistils því hugur minn liggur hjá druslum þessa lands. Stelpum leyfist ekki enn að njóta frjálsra ásta því þær liggja undir drusludómnum. Til hans telst einnig fas, húðflúr á ákveðnum stöðum, drykkja og klæðaburður. Það er í raun bara tímaspursmál hvenær þær „lenda“ í að „láta“ nauðga sér. Druslugangan fer fram um helgina, fjórða árið í röð, og því tileinka ég þennan pistil öllum þeim sem hafa verið kallaðar druslur, kallað aðrar konur og stúlkur druslur, réttlætt nauðgun, upplifað nauðgun og nauðgað sjálfir eða ekki vitað hvað það þýðir að nauðga. Orðið drusla, að vera drusla, er stimpill sem konur og karlar nota yfir stúlkur (og stundum stráka) sem þykja heldur „lausgyrtar“ eða of „auðveldar“. Með öðrum orðum, þær stunda of mikið kynlíf eða kynlíf sem hentar ekki öðrum sem ákveða að kalla þær druslur. Auðvitað má svo ýmislegt yfir druslur ganga og þær beinlínis auglýsa þennan drusluhátt með ósmekklegum klæðnaði sem er beint til þess fallinn að fá blóðið til að streyma rakleitt til kynfæranna. Gvuðhjálpiokkuröllum og forði óflekkuðum sálum frá þessum druslum. Þær brjóta, bramla og skemma hjörtu hreinna manna og hvað skal til bragðs taka? Brjóta á þeim, þagga niður í þeim, benda þeim á að klæða sig öðruvísi og hætta að ríða svona úti um allt. Best að þagga niður í þeim með einni almennilegri nauðgun. Eða var það ekki annars markmiðið þitt með þessari nauðgun? Voru ekki skilaboð til mín og samfélagsins í heildinni með þessu öllu saman? Ó, varstu bara graður? Eða var það ekki einu sinni það. Þú bara vildir og ætlaðir að koma þínu fram. Þið voruð komin upp í rúm og að kela, það er hið ósagða samþykki, er það ekki? Ástæðurnar fara í einn hrærigraut og skipta engu máli því rétturinn er þinn. Hún á þetta skilið, þú mátt þetta. Eða kannski varstu bara fullur. Það auðvitað afsakar allt. Greyið, fer svo illa í hann að blanda sterku ofan í létt. Og hann var orðinn svo graður og þú svo mikil daðurdrós. Þó að það hafi verið erfitt að ná honum upp með allt þetta áfengi í blóðinu og þú þurftir beinlínis að halda við hann er honum var troðið inn. Er þetta óþægileg lesning? Stingur hún smá? Það er ágætt því málefnið er þannig. Það stingur að vera kölluð drusla. Það stingur líka að vera nauðgað. Nauðgun er aldrei réttlætanleg. Ekki undir neinum kringumstæðum. Það eru ekki til afsakanir, hvað þá ástæður. Þú þarft að fá og gefa samþykki en það má líka alltaf draga samþykki til baka. Ekki ríða með lokuð augu og eyru, ef þú getur ekki talað við bólfélagann þinn og spurt einfaldra spurninga þá leyfi ég mér að segja að þú sért ekki hæf/-ur til að stunda kynlíf með annarri manneskju. „Finnst þér þetta gott?“, „er allt í lagi?“ „mmm, þetta er ótrúlega gott“, „já haltu áfram“, „mmmmm“, „ahhhhh“. Þetta er ekki flókið. Sjáumst á laugardaginn.
Mest lesið Var ekki beðinn um að skrifa meira á RÚV eftir pistilinn 2022 Lífið Björgólfur og Kristín í fimmtugsafmæli Beckham Lífið Mæðgin á stóra sviðinu í Feneyjum með íslenskan arkitektúr Menning Áhorfendur djúpt snortnir á forsýningu Stóru stundarinnar Lífið Glamúr og glæsileiki í fimmtugsafmæli Kristínar Ólafs Lífið The Wire og Sopranos-leikari látinn Lífið Verðmiðinn hækkar á höll Antons Lífið Stærsti sinueldur Íslandssögunnar í myndum Lífið Áttu sturlaða stund á Times Square Lífið Tónleikar Lady Gaga æðislegir og öryggisgæslan svakaleg Lífið Fleiri fréttir Áttu sturlaða stund á Times Square The Wire og Sopranos-leikari látinn Var ekki beðinn um að skrifa meira á RÚV eftir pistilinn 2022 Björgólfur og Kristín í fimmtugsafmæli Beckham Katrín Tanja og Brooks eiga von á barni Frábær þjóðbúningamessa í Fljótshlíð Tónleikar Lady Gaga æðislegir og öryggisgæslan svakaleg Pedro Pascal fékk sér að borða á Kaffi Vest Hátt í þrjú þúsund manns sóttu „þjóðfund“ EVE-spilara Áhorfendur djúpt snortnir á forsýningu Stóru stundarinnar Stærsti sinueldur Íslandssögunnar í myndum „Ég fór úr sjötíu prósent þjáningu niður í tíu prósent“ „Svo byrjaði ég að kyssa stráka og varð allt í einu algjör uppreisnarseggur“ Krakkatían: Nintendo, tunglið og prinsessur Milljón manns í Rio til að sjá ókeypis Lady Gaga tónleika Býður í hláturstund við gömlu þvottalaugarnar Sýningin gott fyrir- og eftirpartý Ingvar E. valinn besti leikarinn í Belgíu Forstjórabaninn fær söngleik á fjalirnar „Ye mátti þola versnandi andlega heilsu vegna gjörða þinna“ Fréttatía vikunnar: Rafmagnsleysi, njósnir og SFS Ætlaði aldrei að enda í herskóla í Bandaríkjunum Með höfuðið rétt skrúfað á og gleyma aldrei hjálminum „Ég er búin að fæða þrjú börn en þetta er versta sem ég hef upplifað“ Þakka aðdáendum fyrir að hafa fjármagnað nýja húsið Íslenski Eurovision-hópurinn lagður af stað Mætti í eigið afmæli í lokaðri líkkistu Verðmiðinn hækkar á höll Antons Skúli og Gríma fengu sér hund Menningarlegt heimili með stórbrotnu útsýni Sjá meira