Opna nýja starfsstöð á Þórshöfn

EFLA verkfræðistofa hefur opnað starfsstöð á Þórshöfn á Langanesi. Starfsstöðin er liður í því að efla starfsemi fyrirtækisins á Langanesi í tengslum við aukin umsvif á svæðinu, bæði á Þórshöfn og í Finnafirði.

Meginstarfsemi EFLU er á Íslandi og í Noregi. EFLA er með höfuðstöðvar í Reykjavík og starfsstöðvar á Akureyri, Þórshöfn, Egilsstöðum, Reyðarfirði, Seyðisfirði, í Reykjanesbæ og á Selfossi, ásamt dóttur- og hlutdeildarfélögum í Noregi, Svíþjóð, Frakklandi, Tyrklandi, Póllandi, Rússlandi og Dúbaí.

Árni Sveinn Sigurðsson, svæðisstjóri EFLU Norðurlands, mun stýra starfsstöðinni á Þórshöfn.