Fékk sér húðflúr á vörina

Söngkonan Miley Cyrus fékk sér glænýtt húðflúr um helgina og sýndi aðdáendum sínum það á Instagram-síðu sinni. Miley fékk sér flúr innan á neðri vör sína og er myndin af dapri kisu eins og hún segir sjálf frá.

Söngkonan er núna á tónleikaferðalagi sínu Bangerz sem hófst í Kanada í febrúar og lýkur á Spáni í júní.

Ýmislegt hefur komið upp á ferðalaginu og þurfti hún meðal annars að skemmta á nærfötunum einum fata í Milwaukee þann 9. mars þar sem hún náði ekki að skipta um föt í tæka tíð.