Fékk 10 mánuði fyrir að ráðast á fangaverði

Hæstiréttur staðfesti í gær tíu mánaða fangelsisdóm yfir manni sem réðist að þrjá fangaverði á Litla-Hrauni.

Maðurinn sló ítrekað í höfuð eins fangavarðar, reif í hár annars og klóraði í nef hans, og sló þann þriðja í enni og hnakka. Sakaferill mannsins nær nokkuð óslitið aftur til ársins 2007.

Maðurinn krafðist þess að ákærunni yrði vísað frá. Hann taldi að með ákvörðun fangelsisyfirvalda um að hann skyldi sæta einangrun vegna brotsins hafi honum verið refsað, og ólögmætt sé að refsa tvisvar fyrir sama glæpinn. Hæstiréttur féllst ekki á þau rök.