Grunnur Húss íslenskra fræða nýtist í setlagakennslu

Nemendur í setlagafræði við jarðvísindadeild Háskóla Íslands hafa notað grunn Húss íslenskra fræða til æfinga síðast liðið haust. Þetta kemur fram á vef Framkvæmdasýslu ríkisins.

„Nemendur höfðu mikið gagn og gaman að þessar vinnu og lýstu almennt yfir ánægju sinni yfir að fá að skoða háskólahverfið á þennan sérstaka og einstaka máta,“ segir á vef Framkvæmdasýslunnar.

„Verkefni nemenda var að skoða og skrá setlög í grunninum þar sem Reykjavíkurgrágrýtið myndar þykkt hraunlag sem liggur undir setlögunum og birtast í opnum sem hafa verið rannsökuð meðal annars á Seltjarnarnesi, við Fossvoginn, flugvöllinn í Reykjavík og í Háskólagrunninum.“