Gullsmíði sögð ógna ráðhúsinu

„Ef þetta er ekki í lagi, þá flyt ég mig bara annað,“ segir Valdemar Viðarsson, gullsmiður á Dalvík, sem slökkvliðsstjóri telur nota of hættuleg efni til að vera með verkstæði í ráðhúsi bæjarins.

Byggðarráð Dalvíkur samþykkti í síðustu viku að tillögu slökkviliðsstjórans að skylda Valdemar til að fjarlægja hættuleg tæki og efni úr byggingunni. Um er að ræða súrefnis- og gaskúta á verkstæði Valdemars auk þess sem gullsmiðurinn notar eld við iðju sína.

„Þetta kom í ljós þegar slökkviliðsstjóri tók út húsið nú nýverið,“ segir Kristján Eldjárn Hjartarson, formaður byggðarráðs.

Valdemar segir umræddan búnað nauðsynlegan starfsemi sinni. Hann hafi þó ekki miklar áhyggjur af málinu.

„Það þýðir ekkert að vera í fýlu,“ segir Valdimar gullsmiður.