Slapp vel úr bílveltu á Þingvallavegi

Ung kona slapp lítið meidd, en fékk áfall, þegar hún velti bíl sínum út af Þingvallavegi á móts við Álftavatn í gærkvöldi. Í veltunni týndi hún farsímanum en komst af sjálfsdáðum út úr bílnum og lagði af stað fótgangandi í svarta myrkri.

Hún gekk að minnstakosti kílómetra áður en hún sjá ljós í sumarbústað og bankaði þar uppá. Lögreglan flutti hana á heilbrigðisstofnunina á Selfossi þar sem hún fékk aðhlynnningu og verður hún spurð um tildrög slyssins þegar hún verður búin að jafna sig.