Heimsmeistarinn í sippi varð Íþróttaálfurinn í einn dag

Blake Denley, heimsmeistarinn í sippi, var fenginn hingað til lands í tökur á nýjum þáttum af Latabæ. 

Vísir kíkti á kappann í myndveri Latabæjar, eins og sjá má í myndbandinu hér að ofan.

Hér eru svör heimsmeistarans, snarað yfir á íslensku:

„Ég hef einnig komið til Suður-Afríku, þegar ég fór á heimsmeistaramótið árið 2008. Það má segja að það sé nákvæmlega hinum megin á hnettinum,“ segir Blake.

„Ég hafði ekki heyrt af Latabæ. Þátturinn var mér því nýr þegar þeir höfðu samband. Ég á engin yngri systkini og horfði ekki á hann sjálfur. En ég kynnti mér þættina áður en ég kom hingað og mér finnst þetta frábært,“ segir sippmeistarinn ennfremur.

„Að geta sagst vera heimsmeistari, að á þessum tiltekna degi hafir þú verið bestur er nokkuð súrrealísk tilfinning,“ segir Blake Denley um að vera heimsmeistari.

„Það er keppt í frjálsum aðferðum, á nokkra mismunandi vegu. Keppt er í einstaklings-, para- og hópaflokkum. Maður sýnir atriði sem er allt frá einni mínútu upp í eina mínútu og fimmtán sekúndur. Einkunnir eru gefnar, frá einum og upp í tíu, svipað og gert er í fimleikum."

Hér að neðan má svo sjá myndband af Blake á heimsmeistaramótinu í sippi.