Jón Daði íhugar samningstilboð frá Viking

Jón Daði Böðvarsson segir að það séu blendnar tilfinningar hjá sér eftir að tímabilinu lauk í Noregi, þar sem hann er einn fimm Íslendinga sem spilar með Viking.

Liðinu vegnaði vel í upphafi og tapaði ekki leik fyrr en í tíundu umferð. En þá fór að halla undan fæti og fór svo að Viking vann aðeins einn leik af síðustu tíu.

„Persónulega var þetta í lagi hjá mér en gengi liðsins var ekki samkvæmt væntingum. Við vildum meira en fyrir vikið var ef til vill erfitt fyrir mig að sýna mitt rétta andlit.“

Hann segir erfitt að benda á einhverja eina ástæðu fyrir því. „Kannski er leikskipulag og leikstíll landsliðsins sem veldur því en það er erfitt að meta það nákvæmlega. Árangur liðsins var slakur og því verður einstaklingsframtakið enn erfiðara fyrir vikið.

Jón Daði á þó von á að næsta tímabil verði betra. „Það er kominn nýr aðstoðarþjálfari sem virkar vel á mig. Ég er bjartsýnn á að okkur muni ganga betur á næsta tímabili.“

Hann á eitt ár eftir af samningi sínum við Viking en er með nýtt samningstilboð í höndunum frá Viking. „Ég fæ tíma til að skoða það og íhuga mín mál. Sem leikmaður vill maður auðvitað alltaf komast lengra og í stærri deild en í dag er ég leikmaður Viking og ánægður með það.“