Tónlistarmenn fengu 7,3 milljónir

Kraumur tónlistarsjóður úthlutaði í dag 7,3 milljónum króna til íslenskara listamanna og verkefna sem á að framkvæma á þessu ári. Alls eru 13 verkefni sem fá styrk að þessu sinni, en 131 sóttu um.

Hljómsveitin Mono Town hlýtur hæsta styrk þessa árs, eða eina miljón króna. Í samvinnu við tónlistarveituna Deezer mun hljómsveitin nýta styrkinn til að kynna fyrstu breiðskífu sína, In the eye of the storm.

Þá hlutu þungarokksveitirnar Sólstafir og Kontinuum styrk vegna tónleikaferðalaga um Evrópu.

Upplýsingar um fleiri styrkþega er hægt að sjá á heimasíðu Kraums.

PLÖTUGERÐ ÚTRÁS OG KYNNING - stuðningur og samstarf við listamenn og hljómsveitir á sviði plötuútgáfu, kynningar og markaðssetningar: Samtals 1.650.000 kr.

Mono Town. Kynning og markaðssetning. 1.000.000 kr.

Ólafur Björn Ólafsson. Kynning og útgáfutónleikar. 350.000 kr.

Gyða Valtýsdóttir. Kynning á nýrri plötu. 300.000 kr.



ÚTRÁS - stuðningur & samstarf við listamenn og hljómsveitir : Samtals 3.350.000 kr.

Sólstafir og Kontinuum. Tónleikaferð um Evrópu. 1.000.000 kr.

Nordic Affect. Tónleikahátíðir og kynning. 800.000 kr.

Agent Fresco. Evróputúr 2014. 700.000 kr.

Ragnheiður Gröndal. Tónleikaferðir um Evrópu. 500.000 kr.

Rökkurró. Útrás vegna þriðju plötu. 350.000 kr.



INNRÁS - stuðningur & samstarf við listamenn og tónlistarhátíðir innanlands: Samtals 2.300.000 kr.

Grísalappalísa og DJ Flugvél og Geimskip. Íslandstúrinn 2014. 500.000 kr.

Cell 7 ásamt hljómsveit. Tónleikaferð um landið. 500.000 kr.

Aldrei Fór Ég Suður 2014. Tónlistarhátíð fyrir vestan                 500.000 kr.

Möller um landið. Kynning á íslenskri raftónlist             500.000 kr.

Eistnaflug 2014. Fjölmiðlakynning og námskeið          300.000 kr.

ÖNNUR VERKEFNI KRAUMS 2014- Kraumslistinn verður tilkynntur í desember og Hljóðverssmiðjur Kraums í vor sem fela í sér fræðslu og handleiðslu í samstarfi við Músíktilraunir og þær hljómsveitir sem skipa fyrstu þrjú sætin í ár. Stefnan er að úthluta á ný seinna á árinu en tilkynnt verður um nýtt umsóknarferli með vorinu.

Frá stofnun Kraums hefur Aurora velgerðarsjóður lagt sjóðnum til 140 milljónir. Stjórn Auroru velgerðasjóðs hefur síðan 2007 úthlutað til verkefna á sviði mannúðar, mennta og menningar hérlendis og í Afríkuríkjunum Síerra Leóne og Mósambík svo fátt eitt sé nefnt.