Kennir fólki að setja vínglös í uppþvottavélina og flysja kartöflur með klósettbursta

Hann kallar sig Crazy Russian Hacker og heldur úti vinsælli síðu á Youtube. Hann er með um þrjár og hálfa milljón áskrifenda og horft hefur verið á myndböndin hans í 430 milljónir skipta. Á síðunni kennir hann fólki fólki ýmis leyndarmál sem nýta má í dagsdaglegu lífi. Hann vakti til dæmis mikla athygli þegar hann sýndi hvernig mætti flysja kartöflur með klósettbursta:

Í einu af nýjustu myndböndunum, sem kom á vefinn í síðustu viku, sýnir hann meðal annars hvernig má festa vínglös í uppþvottavélinni, svo þau séu ekki laus í vélinni. Þetta er vandamál sem líklega margir glíma við. Í myndbandinu sýnir hann einnig hvernig má halda rafmagnssnúrum á heimilinu aðskildum og hvernig búa má til kaffi án þess að eiga kaffivél:

Vinsælasta myndband hans sýnir hvað gerist ef Coca Cola er soðið. Það myndband kom á vefinn í sumar og hefur verið horft á það í tuttugu og eina milljón skipta.