Heldur hjónabandinu lifandi með fullt af kynlífi

Sjónvarpsmaðurinn Nick Cannon opnar sig í viðtali við Us Weekly um hjónaband sitt og söngkonunnar Mariuh Carey en þau eiga saman tveggja ára tvíbura, Moroccan og Monroe.

Aðspurður hvernig þau haldi hjónabandinu gangandi er svarið einfalt.

"Með fullt af kynlífi," segir Nick á léttu nótunum. Fjölskyldan eyddi jólafríinu í Aspen.

"Það var frábært. Við gerum það á hverju ári. Við förum í burtu og njótum vetrarparadísarinnar," segir Nick og elskar að horfa á börnin sín vaxa úr grasi.

"Þau eru næstum því þriggja ára. Þau eru mjög tónelsk. Sonur minn elskar að slást…það gerir mig hamingjusaman. Ég á strák sem verður harðjaxl."