Ákvörðun um frekari leit tekin í birtingu

Ítarleg leit björgunarsveita á höfðuborgarsvæðinu í gærkvöldi, að manni sem talið er að hafi fallið í sjóinn af vestari hafnargarði Reykjavíkurhafnar, bar ekki árangur og var henni frestað upp úr miðnætti.

Tilkynning barst um að sést hafi til mannsins ganga út á garðinn, en hann kom ekki til baka. 30 björgunarsveitarmenn tóku þátt í leitinni á landi, auk áhafna á einu björgunarskipi, fjórum björgunarbátum og léttbáti frá Gæslunni.

Kafarar tóku einnig þátt í leitinni. Ákveðið verður í birtingu hvernig leit verður háttað í dag.