Fasteignaskattar dekka lækkun sorphirðugjalda

„Hafnarfjarðarbær vill ligga sitt að mörkum með aðilum vinnumarkaðarins til að halda niðri verðlagi í landinu og skapa stöðugleika í efnahagsmálum og því er hækkun sorphirðu og -eyðingargjalds dregin til baka,“ segir í samþykkt sem gerð var í bæjarstjórn Hafnarfjarðar í gær.

Fram kemur að lækkun þjónustugjaldsins er mætt með fasteignaskatti. Endanleg álagning skattins fyrir árið 2014 sé rúmum 20 milljónum krónum hærri en gert hafi verið ráð fyrir í fjárhagsáætlun 2014.