Var nær drukknaður í sundi

Hafnfirðingurinn Viktor Aron Bragason var hætt kominn þegar hann var nær drukknaður í Suðurbæjarlaug í Hafnarfirði. „Ég var á leiðinni í heita pottinn og ákvað þá að synda nokkrar ferðir eins og ég er vanur að gera. Þegar ég var búinn að synda eina til tvær ferðir þá leið yfir mig.”

Það vildi Viktori til happs að sundlaugargestur kom auga á hann á botni laugarinnar skömmu eftir að hann leið út af, en talið er að hann hafi verið meðvitundarlaus í vatninu í um eina mínútu. Hann var dreginn upp á bakka þar sem endurlífgun hófst.

Mál Viktors verður tekið fyrir í sjötta þætti af Neyðarlínunni sem sýndur verður á Stöð 2 á sunnudagskvöld kl. 20.10.