Tveggja ára fangelsi fyrir að nauðga karlmanni

Hæstiréttur dæmdi í dag 21 árs karlmann, Ingvar Hreiðarssson,  í tveggja ára fangelsi fyrir að hafa haft munnmök við annan karlmann gegn vilja hans. Hann nýtti sér það að sá sem brotið var á gat ekki spornað við verknaðinum sökum ölvunar, vímuefnaáhrifa og svefndrugna.

Héraðsdómur Reykjaness hafði áður dæmt manninn í 15 mánaða fangelsi fyrir sama mál. 

Ingvar og vinir hans voru að skemmta sér í tilefni afmælis Ingvars í september 2012 og að lokinni skemmtun í miðborg Reykjavíkur fóru nokkrir heim til þess sem brotið var á. Þeir neyttu áfengis og fíkniefna en ekki liggur ljóst fyrir hversu mikið hver og einn neytti af efnunum.

Klukkan um sex eða sjö um morguninn bjó brotaþolinn svo í haginn að allir gestirnir fengu sinn stað til að sofa á. Ingvar gat ekki sofið og fékk að nota tölvu á heimilinu og eftir að hafa verið í henni í einhvern tíma fór hann upp í rúm til brotaþola og hafði við hann munnmök.

Ingvar hélt því fram að hann hefði hætt að sjálfsdáðum og beðið vin sinn afsökunar en sá segir að hann hafi vaknað við það að Ingvar var að sjúga á honum liminn. Hann hefði þá ýtt við Ingvari, vafið sænginni um sig og haldið áfram að sofa. Þegar hann vaknaði síðar áttaði hann sig á því að hann var með buxurnar á hælunum og Ingvar var aftur að eiga við hann munmök.

Einn Hæstaréttardómar skilaði sérákvæði og vildi miða við það að framburður brotaþola hefði ekki þá stoð í gögnum málsins að það nægði gegn neitun Ingvars að slá því föstu að ákæruvaldið hafi axlað þá sönnunarbyrði fyrir sekt hans sem á ákæruvaldinu hvílir.