Fangar geta keypt sængur á Litla-Hrauni

Páll Winkel fangelsismálastjóri segir nýja reglu um að fangar á Litla-Hrauni megi koma með sínar eigin sængur og kodda snúast um hreinlæti og öryggi. „Ýmsir fangar hafa haft samband við okkur og óskað eftir því að nota eigin sængur og kodda. Við höfum ákveðið að leyfa mönnum þetta,“ útskýrir Páll.

„Við munum gefa föngum tækifæri á að kaupa sér sængur og kodda í verslun fangelsins. En þeir sem óska eftir því að fá sæng að láni geta enn gert það,“ segir Páll ennfremur.

Vísir sagði frá því fyrr í dag að fangar þyrftu að skaffa sínar eigin sængur frá og með næstu mánaðarmótum. Þeir sem vilja geta þó enn fengið lánaðar sængur frá fangelsinu.

Áður var það þannig að föngum voru úthlutaðar sængur frá fangelsinu.