Valtari notaður til að brjóta klaka á Ólafsvíkurvelli

Bæjarstarfsmenn Snæfellsbæjar unnu í dag að því að brjóta klaka sem þekur Ólafsvíkurvöll, keppnisvöll Víkings Ólafsvík. Notast var við stórar vinnuvélar til gera sprungur í klakann sem súrefni kæmist í gegn.

Á fyrirlestri Bjarna Guðleifssonar, prófessors við Landbúnaðarháskóla Íslands, í höfðustöðvum KSÍ í gær kom fram að ástandið væri varhugavert og brýn nauðsyn væri að bregðast fljótt við. Bjarni hafði þá skoðað velli í Reykjavík.

Starfsmenn Snæfellsbæjar keyrðu um Ólafsvíkurvöll á valtara með titringi. Myndir frá störfum þeirra voru birtar á Facebook síðu Víkings í kvöld. Áhugasamir geta skoðað þær hér.

Á heimasíðu Víkings segir að grant verði fylgst með gangi mála á Ólafsvíkurvelli. Þá segir einnig Sigrún Ólafsdóttir, yfirmaður íþróttamannvirkja hjá Snæfellsbæ, vonist til að aðgerðir dagsins hjálpi til við að færa grasinu súrefni þannig koma í veg fyrir skemmdir á vellinum.