Gaffigan að rifna úr spennu yfir íslandi

Bandaríski uppistandarinn Jim Gaffigan, sem kemur fram í Háskólabíói á föstudaginn, hefur að undanförnu mikið verið að spyrja um Ísland á Twitter-síðu sinni.

Hann vill til að mynda vita hvað hann eigi að fá sér að borða eftir sýninguna, annað en hákarl sem búið er að pissa á, hvort hann megi vera í þveng í Bláa lóninu og hvort hann þurfi að koma með sólarvörn.

Jim Gaffigan kemur hingað til lands á föstudag og fer strax utan á laugardagsmorgun, þá kemur hann fram í London á laugardagskvöld. Uppselt er á uppistandið hans í London en ennþá eru til miðar á uppistandið í Háskólabíói.

Dear Iceland, Can I wear a thong swimsuit in the @BlueLagoonIS ?

— Jim Gaffigan (@JimGaffigan) March 31, 2014