Áttræð amma gerir alla orðlausa

Paddy Jones sló rækilega í gegn í hæfileikaþættinum Britain's Got Talent um helgina. Paddy verður áttræð í sumar og sýndi dans ásamt dansfélaga sínum Nico Espinosa.

Dómararnir höfðu ekki mikla trú á Paddy áður en atriðið byrjaði og sagði tónlistarmógúllinn Simon Cowell meðal annars að þetta atriði yrði eflaust frekar skrýtið. 

Skemmst er frá því að segja að bæði dómarar og áhorfendur urðu í einu orði sagt orðlausir áður en langt leið á atriðið sem er vægast sagt stórkostlegt eins og sjá má í meðfylgjandi myndbandi.