Hafa áhyggjur af stöðu fatlaðs fólks í réttarkerfinu

Stjórn Átaks, félag fólks með þroskahömlun, hefur áhyggjur af stöðu fatlaðs fólks í réttarkerfinu.

Félagið hefur sent frá sér ályktun og þar kemur fram að rannsóknir hafi sýnt að fatlað fólk er í meiri áhættu fyrir ofbeldi en annað fólk.

Auk þess upplifir fólk með þroskahömlun að því sé ekki trúað og það fái ekki réttan stuðning í réttarkerfinu.

Fræða þarf þá sem starfa við hverskonar réttarvörslu á sérstöðu fólks með þroskahömlun.

Átak lýsir sig reiðubúið til samstarfs um hvernig eigi að tryggja hagsmuni fólks með þroskahömlun og bætta réttarstöðu þeirra.