Rok og drulla á Klaustri

„Mistrið var yfir bænum milli klukkan níu og tvö en þá fór að snjóa. Þá hvarf allt ryk úr loftinu eins og dögg fyrir sólu og það birti til,“ segir Guðmundur Vignir Steinsson, veitingamaður á Systrakaffi á Klaustri en hann rekur jafnframt bensínstöð í bænum. Sandmistur var yfir Kirkjubæjarklaustri fyrr í dag.

„Þetta er það versta sem gerst hefur síðan í gosinu,“ segir hann. Þetta sé þó ekki beint aska. Sandurinn komi líklega frekar upp úr Skaftá en lítið vatn sé í ánni nú.

Á þvottaplaninu á bensínstöðinni eru skaflar af sandi og drullu að sögn Guðmundar. Hann tók myndir og myndband af ástandinu í dag sem fylgir fréttinni. 

Í frétt mbl.is um málið kom fram að samkvæmt veðurfræðingi sé askan frá gosinu í Eyjafjallajökli árið 2011 líklega enn frosin uppi á hálendinu. Líklegra væri þetta leir- og moldarryk af úr nágrenninu enda hafi verið mjög þurrt af undanförnu.