Hanna Birna hitti Helen Mirren

Hanna Birna Kristjánsdóttir innanríkisráðherra hitti leikkonuna Helen Mirren á Heathrow-flugvelli í dag.

Ráðherra er, líkt og Vísir greindi frá fyrr í dag, á leið til Aþenu þar sem samstarfsfundur evrópskra samgönguráðherra fer fram á morgun og föstudag. Hún sleppti hins vegar ekki tækifærinu við millilendingu í London til að fá mynd af sér með bresku leikkonunni.

Hanna Birna birti svo myndina á Fésbókarsíðu sinni en færsluna má sjá hér að neðan. Að sögn ráðherrans tók leikkonan vel í beiðni ráðherrans. Mirren er ein af dáðustu leikkonum Breta og fékk meðal annars Óskarsverðlaun fyrir túlkun sína á Elísabetu Bretadrottningu í myndinni Queen árið 2006.

Post by Hanna Birna Kristjánsdóttir.