800 milljónir í verkefni tengd hverfakosningum

Alls hafa 235 verkefni komið til framkvæmda eftir íbúakosningar síðustu tveggja ára hjá Reykjavíkurborg.

Þetta kemur fram í skýrslunni „Betri Hverfi 2010-2013“ sem kynnt var í borgarráði í gær. Rúmlega 810 milljónum króna hefur verið veitt í hverfapottana síðan 2010 en hugmyndasöfnun fyrir árið 2014 hófst í nóvember í fyrra. Bárust 470 hugmyndir í þetta skipti á síðunni Betri Reykjavík.

Nú stendur yfir vinna við að velja úr hvaða hugmyndum verður stillt upp til rafrænna kosninga sem fara fram dagana 11. til 18. mars næstkomandi.