Cumberbatch leikur Ríkharð hinn þriðja

Leikarinn knái Benedict Cumberbatch hefur verið valinn til þess að leika hlutverk Ríkharðs 3. í nýstárlegri uppfærslu BBC.

Ríkharður 3. er leikrit eftir leikskáldið William Shakespeare en Cumberbatch gerði garðinn frægan í vinsælli þáttaröð um líf rannsóknarlögreglumannsins Sherlock Holmes.

Leikstjóri uppfærslunnar er Dominic Cooke en hann starfaði um árabil sem listrænn stjórnandi Royal Court leikhússins í Bretlandi.

Á blaðamannafundi sagðist Cumberbatch vera einstaklega spenntur fyrir verkefninu og að honum þætti það mikill heiður að fá að starfa með Cooke.