Sýnir rassinn í myndatöku

Raunveruleikastjarnan Kim Kardashian sýndi sinn fræga og föngulega afturenda í myndatöku á Tælandi í lok síðasta mánaðar eins og sést á meðfylgjandi myndum. 

Kim hefur verið dugleg að æsa upp forvitni aðdáenda sinna á Instagram með því að birta myndir af sér í sundfötum einum klæða og gefa í skyn að myndaröð af henni sé væntanleg. Ekki er enn ljóst hvar þessar myndir muni birtast.

Kim á í vændum afar viðburðaríkt sumar. Hún gengur að eiga rapparann Kanye West þann 24. maí og fagna þau skötuhjúin eins árs afmælis einkadóttur sinnar North West í júní.