Sautján sagt upp hjá Deloitte

Endurskoðunar- og ráðgjafafyrirtækið Deloitte hefur boðað skipulagsbreytingar innan fyrirtækisins og í kjölfarið munu sautján starfsmenn missa vinnuna. Þetta kemur fram í tilkynningu frá Deloitte.

„Töluverðar breytingar hafa orðið á starfsemi endurskoðunar- og ráðgjafafyrirtækja að undanförnu og samkeppni,“ segir í tilkynningunni.

„Til að aðlagast breyttum aðstæðum hefur Deloitte gripið til skipulagsbreytinga sem eru nauðsynlegar til að hagræða í rekstri og styrkja markaðslega stöðu fyrirtækisins. Skipulagsbreytingunum, sem meðal annars felast í sameiningu sviða fyrirtækisins, fylgja óhjákvæmilega breytingar sem leiða til fækkunar starfsmanna.“

Alls starfa um 190 hjá fyrirtækinu en fækkar nú um sautján og segir í tilkynningunni að þeim verði veitt aðstoð við að finna ný störf.