Varaflugvöllur verði í Skagafirði

Sveitarstjórn Skagafjarðar vill fá varaflugvöll fyrir millilandaflug í héraðið. Fjölga þurfi varaflugvöllum á Íslandi í stað flugvallarins í Glasgow til að spara fé og auka öryggi flugfarþega.

„Þegar millilandaflug lá niðri vegna gossins í Eyjafjallajökli var Alexandersflugvöllur opinn,“ segir sveitarstjórnin, sem kveður lendingarskilyrði á Alexandersflugvelli ein þau bestu á landinu. Völlurinn sé opinn nær alla daga ársins. Skorað sé á stjórnvöld að gera hann að varaflugvelli fyrir millilandaflug.