Lögregla kölluð til vegna tölvuóðra drengja

Lögreglu berst reglulega tilkynningar þar sem kvartað er undan hávaða. Tilkynningarnar berast oftast seint á kvöldin eða á næturnar, en stundum um miðjan dag. Lögreglunni á höfuðborgarsvæðinu barst um kaffileytið í gær, kvörtun undan hávaða í íbúð í fjölbýlishúsi í vesturborginni.

Þaðan voru tilkynnt mikil öskur og svakalegir dynir að auki. „Þrír lögreglumenn voru sendir á staðinn, tilbúnir að skakka leikinn og koma á friði í íbúðinni.“ Í henni reyndust þó vera tveir piltar og voru þeir steinhissa þegar lögreglan bankaði upp á hjá þeim.

Þeir sögðust hafa verið í tölvuleik og kannski lifað sig fullmikið inn í leikinn. „Þeim var leyft að halda tölvuleiknum áfram, en þó með því skilyrði að spila leikinn af meiri stillingu og með minni tilþrifum“