Stöðvar ökumenn og gefur þeim jólagjafir

„Yfirleitt þegar löggan er að stoppa einhvern, er það út af einhverju veseni, því miður,“ segir Biggi lögga í upphafi nýjasta myndbands síns. „En ekki í dag, því það eru alveg að koma jól og við ætlum að hafa svolítið gaman núna.“

Uppátæki Bigga, sem deilt var á Facebook-síðu lögreglunnar á höfuðborgarsvæðinu í kvöld, felst í því að stöðva ökumenn, að því er virðist af handahófi, og veita þeim óvæntan jólaglaðning. Meðal annars hljóta hinir heppnu skammta af gosi, húfur, DVD-diska og gjafakort í Bónus.

Eins og sést í myndbandinu sem fylgir með fréttinni vakti uppátækið mikla lukku hjá þeim ökumönnum sem Biggi stöðvaði.

„Ég held að mig sé að dreyma bara,“ sagði ein kona.

Innlegg frá Lögreglan á höfuðborgarsvæðinu.