Herdís Ómarsdóttir nældi sér í Vísindabók Villa 2

Herdís Ómarsdóttir er búin að næla sér í Vísindabók Villa 2 í getraun Vísis og Vísinda-Villa.

Í myndskeiði sem birt var í síðustu viku á Vísi gerði Villi tilraun úr Vísindabók Villa 2 með borðtenniskúlu og hárblásara. Hann kláraði hins vegar ekki tilraunina og spurði lesendur Vísis hvað gerðist næst.

Eins og sést í meðfylgjandi myndbandi heldur loftþrýstingurinn boltanum á sínum stað.

Herdís getur sótt bókina sína í afgreiðslu 365 að Skaftahlíð 24 í Reykjavík.

Fylgist spennt með seinna í dag þegar önnur getraun verður sett í loftið.