Matur

Beyoncé elskar Oreo

Lilja Katrín Gunnarsdóttir skrifar

Söngkonan Beyoncé, sem dvelur nú á landinu, hefur margoft sagt í viðtölum að hennar uppáhalds góðgæti væri Oreo-kex. Hefur hún meira að segja látið hafa það eftir sér að hún klári pakkann ef hann er keyptur.

Lífið fór á stúfana og fann nokkrar uppskriftir sem innihalda nóg af Oreo-kexi og gætu fallið í kramið hjá söngkonunni.

Oreo-trufflur
18 Oreo-kexkökur
225 g mjúkur rjómaostur
1 bolli hvítt súkkulaði
1/2 tsk kókosolía
1/4 bolli súkkulaði

Myljið Oreo-kökurnar í matvinnsluvél og blandið mylsnunni saman við rjómaost. Búið til litlar kúlur úr deiginu og setjið í frysti í allt að klukkutíma. Bræðið hvíta súkkulaðið og kókosolíuna. Setjið tannstöngul í hverja Oreo-kúlu og dýfið ofan í hvíta súkkulaðið. Leyfið súkkulaðinu að harðna. Bræðið súkkulaði og skreytið kúlurnar með því.

Oreo-örbylgjukaka
9 Oreo-kexkökur
1/2 tsk lyftiduft
1/2 bolli mjólk
1 1/2 tsk sykur
vanilluís

Smyrjið 1 til 2 könnur með olíu og setjið til hliðar. Myljið Oreo-kexkökurnar í matvinnsluvél og blandið saman við lyftiduft, sykur og mjólk. Hellið blöndunni í könnurnar og hitið í örbylgjuofni - 1 mínútu og 45 sekúndur fyrir litlar könnur eða 2 mínútur fyrir stórar könnur. Takið könnurnar úr örbylgjuofni og leyfið þeim að kólna í tíu mínútur. Skreytið með vanilluís og njótið.

Oreo-brúnkur
1/2 bolli bráðið smjör
3/4 bolli sykur
1/2 bolli ljós púðursykur
2 stór egg
1 msk olía
2 tsk vanilludropar
3/4 bollar hveiti
1/2 bolli kakó
1/2 tsk matarsódi
1/2 tsk salt
16 Oreo-kexkökur
5 Oreo-kexkökur til að skreyta
1 bolli þeyttur rjómi

Hitið ofninn í 175°C. Blandið saman smjöri, sykri og púðursykri. Bætið einu eggi við í einu og blandið vel saman. Bætið því næst olíu og vanilludropum saman við. Blandið hveiti, kakói, matarsóda og salti saman í annarri skál. Bætið þurrefnablöndunni saman við smjörblönduna í fjórum hollum. Hellið helmingnum af blöndunni í form. Setjið 16 Oreo-kexkökur yfir deigið og hellið síðan restinni yfir. Bakið í 20 til 25 mínútur. Kælið og skreytið með rjómanum og Oreo-kexkökunum.

Oreo-smákökur
230 g mjúkt smjör
1 bolli púðursykur
1/2 bolli sykur
2 egg
1 tsk vanilludropar
2 1/4 bolli hveiti
2 tsk salt
1 tsk matarsódi
1 1/2 bolli súkkulaði, saxað
1/2 bolli hvítt súkkulaði, saxað
15 Oreo-kökur, saxaðar

Hitið ofninn í 170°C. Setjið bökunarpappír á ofnplötur. Blandið smjöri, púðursykri og sykri vel saman. Bætið við eggjum og vanilludropum og hrærið. Blandið hveiti, salti og matarsóda saman í annarri skál. Bætið þurrefnablöndunni varlega saman við smjörblönduna. Bætið súkkulaðinu og Oreo-kexinu varlega saman við. Búið til kúlur úr deiginu og fletjið þær aðeins út með lófanum á ofnplötunni. Bakið í tíu mínútur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.