Skoðaði nektarmyndir í flugi

Rapparinn Kanye West var ekki vinsæll á þriðjudagsmorgun þegar hann var of seinn í flug og lét alla aðra farþega bíða eftir sér. Flugið var á leið frá París í Frakklandi til Helsinki í Finnlandi.

Frá þessu segir í frétt Page Six og er jafnframt tekið fram að Kanye hafi hunsað alla aðra farþega vélarinnar þegar hann kom loksins um borð.

Þegar flugvélin var komin í loftið byrjaði Kanye að vinna í fartölvunni sinni en samkvæmt frétt Page Six skoðaði hann nektarmyndir af konu með sítt, dökkt hár. Ekki er ljóst hvort myndirnar voru af eiginkonu hans, raunveruleikastjörnunni Kim Kardashian.