Berar frægasta rass í heimi á forsíðu Paper

Tímaritið Paper birti forsíðu nýjasta heftis síns í dag og er það strax mál manna að myndin sem er á forsíðunni eigi eftir að leggja internetið í rúst í dag.

Á forsíðunni er raunveruleikastjarnan Kim Kardashian, alsnakin og berar hún það sem þykir einn frægasti rass í heiminum í dag.

Önnur forsíða af tímaritinu var líka gerð en á henni sést Kim Kardashian í fullum klæðum með kampavinsglas á rassinum en þannig endurgerir hún fræga mynd eftir franska ljósmyndarann Jean-Paul Goude.

Kim tístir um forsíðuna og hefur þetta að segja:

„Og þeir sögðu að ég væri hæfileikalaus...reynið að halda kampavínsglasi á rassinum ykkar,“ skrifar hún.

Þetta er ekki í fyrsta sinn sem Kim berar sig fyrir tímarit en hún gerði það fyrir Playboy árið 2007.

And they say I didn't have a talent...try balancing a champagne glass on your ass LOL #BreakTheInternet #PaperMagazine

— Kim Kardashian West (@KimKardashian) November 12, 2014