Kallaði fyrrverandi föður ársins

Tónlistarmaðurinn Chris Martin tróð upp á Inspiration-galaveislu amfAR í Hollywood í gærkvöldi en veislan var haldin til að heiðra fatahönnuðinn Tom Ford og safna peningum fyrir rannsóknum á eyðni.

Leikkonan Gwyneth Paltrow, sem er jafnframt fyrrverandi eiginkona Chris, kynnti fyrrverandi eiginmann sinn á svið og sagði hann hafa verið „föður ársins síðan árið 2004“.

Gwyneth og Chris skildu í mars á þessu ári eftir tíu ára hjónaband. Þau eiga tvö börn saman, Apple sem kom í heiminn einmitt árið 2004 og Moses sem fæddist árið 2006.

Eftir að parið skildi byrjaði Chris með leikkonunni Jennifer Lawrence en þau hættu saman fyrir stuttu.