Viðskipti innlent

2,5 milljarðar í olíuleit á Drekasvæði á næsta ári

Kristján Már Unnarsson skrifar

Sérleyfishafar á Drekasvæðinu áforma að verja tveimur og hálfum milljarði króna til olíuleitar á Drekasvæðinu á næsta ári. Í fjárlagafrumvarpi norsku ríkisstjórnarinnar, sem nú liggur fyrir Stórþinginu, er gert ráð fyrir að Norðmenn greiði fjórðung.

Fyrstu tveimur sérleyfunum til leitar og vinnslu olíu á Drekasvæðinu var úthlutað í ársbyrjun 2013 og í byrjun þessa árs var þriðja sérleyfið afhent en rekstraraðili þess er kínverska ríkisolíufélagið CNOOC. Breska félagið Faroe Petroleum og kanadíska félagið Ithaca fara fyrir hinum leyfunum en það er sammerkt þeim öllum að norska ríkisolíufélagið Petoro er með 25 prósenta hlut.

Guðni A. Jóhannesson orkumálastjóri, í miðið, afhenti fyrstu leyfin í janúar 2013 að viðstöddum Steingrími J. Sigfússyni atvinnuvegaráðherra og Ola Borten Moe olíumálaráðherra Noregs. Vísir/Stefán

Leitarhóparnir þrír áforma á næstu vikum að ákveða hversu viðamikil olíuleitin verður á næsta ári. Samkvæmt upplýsingum Stöðvar 2 stefnir í að umfangið verði verulegt og að leitað verði fyrir vel á þriðja milljarð króna. 

Niðurstöðuna má nú þegar að nokkru leyti sjá í fjárlagafrumvarpi norsku ríkisstjórnarinnar en þar er leitaráætlun næsta árs kynnt um leið og óskað er fjárheimildar fyrir Petoro Iceland. Þar er gert ráð fyrir að norska ríkið verji á næsta ári um 500 milljónum íslenskra króna til olíuleitar í lögsögu Íslands, með heimild um að skuldbinding norska ríkisins geti orðið allt að 630 milljónir króna.

Sérleyfin þrjú á Drekasvæði.

Í ljósi þess að Norðmönnum er ætlað að greiða fjórðung kostnaðar má af þessu sjá að þeir gera ráð fyrir að allt að tveimur og hálfum milljarði króna verði kostað til olíuleitar á Drekasvæðinu á næsta ári. 

Íslendingar geta því búist við að sjá rannsóknarskip koma við í íslenskum höfnum næsta sumar, í líkingu við flotann sem sást á Akureyri fyrir tveimur árum, en í greinargerð norska fjárlagafrumvarpsins kemur fram að gera á bergmálsmælingar, kaupa jarðfræðigögn og jafnvel afla sýna af hafsbotni.

Olíurannsóknaskipið Nordic Explorer, ásamt þremur fylgdarskipum, sótti þjónustu til Akureyrar sumarið 2012, vegna rannsókna á Drekasvæðinu. Mynd/N4

Tengdar fréttir

CNOOC vill flýta borun í Drekann

Fulltrúar kínverska olíufélagsins CNOOC kynntu samstarfsaðilum sínum í dag verkáætlun sem miðar við að boranir hefjist á Drekasvæðinu mun fyrr en áður var gert ráð fyrir.

Reyðarfjörður valinn sem olíubær Íslands

Eykon Energy hefur valið Reyðarfjörð sem þjónustumiðstöð fyrir bæði olíuleit og olíuvinnslu á Drekasvæðinu. Formaður bæjarráðs Fjarðabyggðar segir þetta skapa gríðarleg tækifæri.

Er það von um "elefant" sem lokkar á Drekann?

Olíumálaráðherra Noregs, Ola Borten Moe, er í viðtali við Aftenbladet í Stavanger spurður um hvort hann telji að "elefant“ sé á Drekasvæðinu. Hugtakið "elefant“, eða fíll, er það sem norski olíugeirinn notar um risalindir, eftir stærsta landdýri jarðar, en það eru olíusvæði eins og Ekofisk, Statfjord, Troll, Gullfaks og Mjallhvít. Hugtakið "flóðhestur“ er svo notað um lindir af næstu stærð þar fyrir neðan.

Vonast til að olíuframleiðslan hefjist eftir 7-8 ár

Olíuframleiðsla á landgrunni Íslands gæti hafist eftir sjö til átta ár og fyrsti borpallurinn komið eftir þrjú til fjögur ár. Þetta segir forstjóri skoska olíufélagsins Faroe Petroleum, sem nú er orðinn rétthafi fyrsta olíuvinnsluleyfis í lögsögu Íslands. Olíumálaráðherra Noregs segir leyfisútgáfuna í dag sögulegan viðburð. Norski olíumálaráðherrann Ola Borten Moe mætti í Ráðherrabústaðinn klukkan níu í morgun ásamt fylgdarliði til fundar við Steingrím J. Sigfússon atvinnuvegaráðherra og áttu fulltrúar ríkjanna klukkustundarlangan fund áður en kom að stóru stundinni.

Eyfirðingar þjónusta olíuleitarflota af Drekasvæðinu

Floti fjögurra olíurannsóknarskipa kom inn til Akureyrar í dag af Drekasvæðinu til að sækja sér vistir og þjónustu sem og til áhafnaskipta. Eyfirðingar fá þarna forsmekkinn af þeim umsvifum sem vaxandi olíuleit í Norðurhöfum gæti skapað á Íslandi á næstu árum. Rannsóknarskipið Nordic Explorer fer fyrir flotanum en með því eru þrjú fylgdarskip, tvö færeysk og eitt íslenskt, Valberg VE.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
1,95
13
154.180
KVIKA
0,79
3
26.427
SIMINN
0,56
3
33.788
MAREL
0,54
25
675.501
SKEL
0,25
3
5.182

Mesta lækkun dagsins


Félag
Br.%
Fjöldi
Velta*
EIK
-2,88
17
153.220
SJOVA
-2,54
8
107.416
TM
-2,48
6
95.263
VIS
-2,35
1
12.050
ICEAIR
-1,32
38
108.834
Velkomin á Vísi. Þessi vefur notar vafrakökur. Sjá nánar.