Sigur í fyrsta leik Jóns Arnórs

Jón Arnór Stefánsson skoraði 4 stig í fyrsta leik sínum fyrir Unicaja í fyrstu umferð spænsku úrvalsdeildarinnar í körfubolta. Unicaja lagði Morabanc Andorra 83-69.

Jón Arnór lék tæpar 10 mínútur fyrir Unicaja og fyrir utan stigin fjögur þá gaf hann eina stoðsendingu og tók eitt frákast.

Jafnræði var með liðunum framan af fyrri hálfleik en Unicaja var fimm stigum yfir í hálfleik 38-33.

Andorra náði að minnka muninn í eitt stig í þriðja leikhluta en Unicaja sagði hingað og ekki lengri og jók forskotið jafnt og þétt til leiksloka.

Os dejamos la foto del ganador de #YaTengoMiAbono. En el vestuario con todo el equipo #IFeelUnicaja pic.twitter.com/FOq8PL54MZ

— UnicajaCB (@unicajaCB) October 5, 2014