Innlent

Lögreglustjóri sækir um hjá Reykjavíkurborg

Bjarki Ármannsson skrifar
Stefán hefur stýrt lögreglunni á höfuðborgarsvæðinu frá árinu 2006.
Stefán hefur stýrt lögreglunni á höfuðborgarsvæðinu frá árinu 2006. Vísir/Valli
Stefán Eiríksson, lögreglustjóri á höfuðborgarsvæðinu, er meðal þeirra nítján sem sóttu um stöðu sviðsstjóra velferðarsviðs Reykjavíkurborgar. Stefán sótti einnig um stöðu forstjóra Samgöngustofu fyrir stuttu.

Nöfn allra umsækjenda hafa verið birt á vefsíðu Reykjavíkurborgar. Meðal annarra sem sóttu um má nefna Árna Múla Jónasson, fyrrum bæjarstjóra Akraness, og Kristján Sturluson, fyrrum framkvæmdastjóra Rauða Krossins.

Samkvæmt frétt á vef borgarinnar mun sviðsstjóri velferðarsviðs hafa yfirumsjón með velferðarþjónustu borgarinnar. Staðan var auglýst 20. júní síðastliðinn.

Mest lesið


Fleiri fréttir

Sjá meira


×

Mest lesið