Félög Al-Thani gjaldþrota

Fanney Birna Jónsdóttir skrifar 17. júlí 2014 11:28

Félögin Q Iceland Finance ehf. og Q Iceland Holding ehf. voru útskurðuð gjaldþrota í Héraðsdómi Reykjavíkur í gær. Félögin eru þekkt úr Al-Thani málunum, þar sem Sjeik Mohammed Al-Thani keypti rúmlega 5% hlut í Kaupþingi stuttu fyrir bankahrun. Mbl.is greindi fyrst frá þessu.

Q Iceland Holding er móðurfélag Q Iceland Finance. Hið fyrrnefnda félag fékk lán frá Kaupþingi til að fjármagna kaup þess síðarnefnda á bréfum í bankanum. Alls keypti félagið 37,1 milljón bréfa fryir 25.599 milljónir. Félögin eru bæði skráð til húsa hjá Logos lögfræðiskrifstofu.

Í Al-Thani málinu voru þeir Hreiðar Már Sigurðsson fyrrverandi forstjóri Kaupþings, Sigurður Einarsson, fyrrverandi stjórnarformaður bankans, Magnús Guðmundsson, fyrrverandi forstjóri Kaupþings banka í Lúxemborg og Ólafur Ólafsson, stór hluthafi í bankanum dæmdir í fangelsi vegna viðskiptanna. Málinu hefur verið áfrýjað til Hæstaréttar.

Það er Ástráður Haraldsson hrl. sem er skiptastjóri búanna.

Tengdar fréttir

Undrast að Al-Thani sé ekki ákærður

Síðasti dagur í réttarhaldinu í Al Thani- málinu var í dag.

14. nóvember 2013 16:45

Allir sakborningar áfrýja niðurstöðu í Al-Thani máli

Allir sakborningar í Al-Thani málinu ætla að áfrýja dómnum til Hæstaréttar. Málsvarnarlaun sem Hreiðar Már Sigurðsson fyrrverandi forstjóri Kaupþings var dæmdur til að greiða verjanda sínum við í dómi Héraðsdóms Reykjavíkur í Al-Thani málinu eru hæstu málsvarnarlaun sem dæmd hafa verið í sakamáli hér á landi.

13. desember 2013 11:51

Þyngstu dómar í sögunni - Sakborningar mættu ekki

Dómurinn yfir Hreiðari Má Sigurðssyni og Sigurði Einarssyni eru þyngstu dómar í efnahagsbrotamáli í sögu Íslands.

12. desember 2013 15:49

Segir ákærðu í Al-Thani málinu saklausa

„Þöggunin hættuleg samfélaginu“

17. janúar 2014 13:56

Dómur í Al-Thani máli í dag - allt sem þú þarft að vita

Dómur verður kveðinn upp í Al-Thani málinu í Héraðsdómi Reykjavíkur í dag kl. 15. Hreiðar Már Sigurðsson, forstjóri Kaupþings og aðrir sakborningar í málinu gætu átt yfir höfði sér allt að sex ára fangelsi.

12. desember 2013 08:00

Al-Thani málið: Þungir fangelsisdómar yfir Kaupþingsmönnum

Dómur var kveðinn upp í Al-Thani málinu nú rétt í þessu. Sakborningar fengu eftirtalda dóma: Hreiðar Már Sigurðsson, forstjóri Kaupþings, fimm ár og hálft ár. Sigurður Einarsson, stjórnarformaður Kaupþings, fimm ár. Ólafur Ólafsson, fjárfestir, 3 og hálft ár. Magnús Guðmundsson, forstjóri Kaupþings í Lúxemborg 3 ár.

12. desember 2013 15:00