Aron sagður á leið frá Kiel

Aron Pálmarsson er orðaður við stórliðin Veszprem frá Ungverjalandi og Barcelona frá Spáni.

Vefmiðillinn handball-planet.com greinir frá þessu en samkvæmt heimildum síðunnar mun Aron vera óánægður með samningstilboð Kiel, þar sem hann hefur verið undanfarin ár.

Enn fremur er því haldið fram að Joan Canellas, spænski miðjumaðurinn, sé á leið til Kiel frá Hamburg, sem er á leið í gjaldþrot. Nú þegar er ljóst að liðsfélagi hans, Domagoj Duvnjak, fer til Kiel þegar nýtt tímabil hefst í Þýskalandi.