Vinnustöðvun hjá sjúkraliðum - Hafa boðað allsherjarverkfall 22. maí

Verkfall hjá félagsmönnum SLFÍ og SFR - stéttarfélagi í almannaþjónustu stendur yfir í átta klukkustundir í dag, frá 08:00 – 16:00.

Verkfallið nær til þeirra sem starfa hjá stofnununum innan Samtaka fyrirtækja í velferðarþjónustu.

Það eru um 300 sjúkraliðar í Sjúkraliðafélagi Íslands og 150 starfsmenn hjá SFR.

Vinnustöðvun var hjá félagsmönnum SLFÍ og SFR á mánudaginn frá 08:00 til 16:00 og það sama er upp á teninginum í dag.

Sjúkraliðar hafa boðað sólarhringsverkfall þann 19. maí og allsherjarverkfall þann 22. maí takist ekki að semja fyrir þann tíma.

Fyrirtæki og stofnanir innan SFV sem reknar eru fyrir opinbert fé og verkfallið nær til eru:

Ás Hveragerði, Dalbær, Eir, Grund, Hlévangur, HNLFÍ, Hornbrekka, Hrafnista Reykjavík, Hrafnista Hafnarfirði, Hrafnista í Kópavogi, Hrafnista Reykjanesi, Kumbaravogur, Lundur, Mörk, SÁÁ, Sjálfsbjargarheimilið, Skjól, Skógarbær, Sóltún og Sunnuhlíð.