Vitleysa hjá Kroos að spá í Man. Utd

Þýski landsliðsmaðurinn Toni Kroos er sterklega orðaður við Man. Utd. Fyrrum leikmaður Bayern, Steffen Effenberg, segir að það væri tóm vitleysa hjá Kroos að fara til Manchester.

Samningur Kroos við Bayern rennur út sumarið 2015 og ef hann ætlar sér að fara frá félaginu þá mun það klárlega selja hann í sumar. Man. Utd er sagt vera til í að greiða 40 milljónir evra fyrir hann.

"Ef menn eiga möguleika á því að eiga farsælan feril hjá Bayern þá eiga þeir ekki að hugsa um annað. Það líður öllum leikmönnum liðsins vel í lok leiktíðar. Það eru titlar og stemning. Kroos er lykilmaður og ætti ekkert að vera að spá í þessu," sagði Effenberg en hann vinnur fyrir Sky í Þýskalandi.